Concello :: Novas
Praia bus
O Concello de Ponteceso pon en marcha un servicio de transporte de usuarios á praia de Valarés
O Concello de Ponteceso porá en marcha, nos meses de Xullo e Agosto, un servicio de transporte á praia de Valarés. Este servicio terá como itinerario: Oficina de Turismo e casa da cultura en Ponteceso, praza do Relleno, O Couto e Valarés. Realizarase un roteiro diario con saída ás 15:00h da e regreso as 19:30h. O servicio será gratuíto.
Descargas asociadas
"Ponte en marcha" verán 2009
Actividades de verán organizadas polo Concello
Xa podedes consultar todas as actividades culturais e deportivas programadas para este verán, por parte do Concello de Ponteceso: Teatro na rúa, obradoiros de risa, vela, piragüismo, indiomas, informática, sendeirismo, marchas nocturnas, deporte na praia, etc.
Aberta inscrición dende o mércores 24 de xuño de 2009.
Descargas asociadas
Obras en Pazos
Contratación de obras de saneamento e abastecemento na parroquia
O Concello de Ponteceso vén de anunciar a contratación de abastecemento e saneamento da parroquia de Pazos para seguir completando o mapa de saneamento e abastecemento do Concello. O orzamento desta obra é de 142.153,81€ e será finanziada polo Concello de Ponteceso e Deputación Provincial.
Ligazóns recomendadas
Matrícula na escola infantil do Concello de Ponteceso
Do 26 ao 10 de xullo
O prazo de matrícula para os nenos e nenas que fixeron a solicitude na escola infantil (antes Galescola) do noso concello, é do 26 de Xuño ó 10 de Xullo. Os titores poden pasar antes polo centro para recoller a documentación que precisan. O vindeiro 30 de Xuño haberá unha reunión de pais ás 17:30 no mesmo centro. As educadoras poranse en contacto con todos para confirmar a asistencia.
Ligazóns recomendadas
PonteSMS, avisos por SMS
O Concello pon en marcha os boletíns informativos para todos os usuarios da web do Concello que o desexen
A través do menú "boletíns" da nosa web, podes recibir toda a información relevante sobre o que acontece no Concello e actividades de interese no teu teléfono móbil e no teu email. Deberás cubrir un pequeno formulario e recibirás toda a información relativa ó Concello.
Ligazóns recomendadas
Construcción de aparcamentos no Couto
Ao carón do cemiterio parroquial
Construcción de aparcamentos ao carón do cemiterio da parroquia de Cospindo. Trátase dunha obra necesaria para dotar de zonas de aparcamento a esta parroquia, tendo en conta que a carón do cemiterio atópase a Fundación “Eduardo Pondal”. O orzamento desta obra é de 87.813,26€. Esta obra será financiada polo Concello de Ponteceso e Deputación Provincial.
Ligazóns recomendadas
A Fundación Curros Enríquez visitou Ponteceso
A delegación estivo formada por 35 persoas de Celanova
O Concello de Ponteceso continúa amosándose a todos os que queren coñecernos. O pasado mércores chegaba ao termo municipal unha delegación da Fundación Curros Enríquez formada por 35 persoas que visitaron diversos puntos de interese como a Casa da Pondal, a Fundación "Eduardo Pondal", Monte Branco, a Pedra da Serpe, O Roncudo, etc. Foron guiados en todo momento polo persoal do departamento de turismo do Concello.
Descargas asociadas
Ligazóns recomendadas
Imaxes da clausura das escolas deportivas
O acto celebrouse o pasado 30 de maio
Rematou o curso nas escolas deportivas municipais e celebrouse o acto de clausura o sábado 30 de maio no pavillón municipal en Corme. Os rapaces disfrutaron dunha gran tarde deportiva e lúdica.
Ligazóns recomendadas
Balarés volve a ter bandeira azul
Un ano máis volve a lograr o distintivo que concede a Asociación Ambiental e do Consumidor
A presenza, de novo, desta bandeira azul na praia de Balarés, recoñece e estimula o esforzo do Concello por conseguir que dita praia cumpra determinados criterios de legalidad, accesibilidad, sanidade, limpeza e seguridade, e conte cunha información e xestión ambiental adecuadas.
Dende o Concello felicitamos a todos os cidadáns e usuarios desta praia.
Ligazóns recomendadas
Guía Turística do Concello de Ponteceso
Estará dispoñible en formato papel esta semana santa
O Concello de Ponteceso vén de editar unha nova guía turística do noso termo municipal. Pequena e práctica permitirá ao seu posuidor ter unha panorámica clara do que pode visitar nas catorce parroquias con todas as indicacións necesarias para poder chegar a calqueira punto de interese. Ademáis inclúe unha guía telefónica útil para o turista.
Ligazóns recomendadas
Servizo de normalización lingüística do Concello
Campaña para dar a coñecer o servizo
O Concello de Ponteceso levará a cabo nos vindeiros días unha campaña de promoción deste servizo gratuíto que se ofrece a todos os veciños e veciñas. Dende o servizo de normalización lingüística, aténdense consultas, revísanse textos, faise asesoramento para a elaboración de escritos, facilítase información sobre software en galego e recursos lingüísticos existentes. O Concello de Ponteceso aposta polo galego.
Descargas asociadas
Atención á cidadanía
O Concello ofrece, a través desta web, un servizo de atención á cidadanía
A través da sección "Atención ao cidadán", calqueira veciño pode facer unha solicitude, reclamación ou queixa ó Concello. Pero, ademáis, poderá, en todo momento, saber en que estado se atopa a súa petición, reclamación ou queixa, co que o sistema contribuirá á comunicación entre o veciño e Concello.
Ademáis, en todo momento, poderá imprimir unha copia do evento xerado polo sistema para efectos oportunos.
Acceso a atención ao cidadán
Ofertas de emprego na comarca
Consulte as ofertas de emprego na comarca
O Concello tén habilitado, neste espazo web, un apartado onde publicamos distintas ofertas de emprego en Bergantiños e Costa da Morte. Pode accederse dende a sección "emprego" na marxe esquerda da web.
Se algunha empresa ou institución, quere enviarnos ofertas de emprego, pode facelo ó correo electrónico correo@ponteceso.net.
Ligazóns recomendadas
