Concello de Ponteceso

CONCELLO DE PONTECESO

RSS

Concello :: Novas

O servizo de Normalización Lingüística organiza un contacontos infantil para promover a lectura e ensinar a xestionar as emocións

A actividade, incluída no programa Apego, terá lugar o venres 27 ás 19.00 horas na biblioteca municipal

O Servizo de Normalización Lingüística, que dirixe o concelleiro de Educación, Asociacionismo e Patrimonio, Carlos Penedo Casmartiño, ten programada para este venres 27 unha sesión de contacontos, dirixida a nenos e nenas de 3 a 9 anos a as súas familias, coa intención de espertar entre os máis cativos/as o hábito e o gusto pola lectura en galego e axudarlles a identificar as emocións poñendo ao seu alcance as ferramentas necesarias para xestionalas.

A iniciativa, que dará comezo ás 19.00 horas na biblioteca municipal de Ponteceso, inclúe ademais a posta en marcha de varias dinámicas de distensión e a realización dunha actividade que os/as asistentes poderán levar para a casa. A educadora infantil e pedagoga María Paredes será a encargada de levar a cabo este obradoiro, incluído no programa de actividades con Apego.

Apego é unha iniciativa que botou a andar no ano 2015 para incentivar e facilitar a socialización en galego das nenas e dos nenos desde a primeira infancia, e que neste momento é desenvolvida desde os servizos de normalización lingüística de 30 concellos, entre eles o de Ponteceso, o único da comarca de Bergantiños xunto con Carballo. As familias que desexen adherirse ou máis información poden poñerse en contacto co Servizo de Normalización Lingüística desde a nosa páxina web.

O alcalde demanda de Portos unha serie de actuacións para racionalizar o uso dos espazos portuarios en Corme

Lois García Carballido solicitou hoxe unha entrevista co presidente do ente público para abordar, entre outras cuestións, a ampliación das prazas de aparcamento

A ordenación e a racionalización do uso dos espazos portuarios de Corme é unha prioridade, e así llo vimos demandando desde o goberno municipal a Portos de Galicia desde fai tempo.

Unha das necesidades é o incremento das prazas de aparcamento, como tamén veñen reclamando tanto a Confraría de Pescadores coma a Asociación de Veciños, o que pasaría por eliminar a senda habilitada ao longo do muro da Mariña, xa que, ademais de suprimir un espazo moi necesario para os vehículos, carece de sentido tendo unha zona axardinada e un paseo xusto ao lado.

Para manter a boa relación entre o ente público -que ten a titularidade dos espazos portuarios- e o Concello de Ponteceso, que fixo posible un investimento de máis de 400.000 euros no porto de Corme no actual mandato, o alcalde, Lois García Carballido, presentou hoxe mesmo por rexistro unha nova solicitude de reunión co presidente de Portos de Galicia, José Juan Durán, para reclamar unha vez máis o incremento dos espazos de aparcamento segundo o plano adxunto, xa que tal como se pintou coa última reforma redúcese o número de prazas, o que ten provocado numerosas queixas por parte da veciñanza e do sector da hostalaría.

Pero os aparcamentos son só unha das numerosas materias pendentes que ten Portos de Galicia con Corme. Así, en materia de comunicacións, desde o goberno municipal considérase tamén imprescindible a mellora do acceso ao porto para vehículos pesados e autobuses. García Carballido tamén demanda a cesión ao Concello de espazos portuarios que carecen de uso profesional, coma a Praza da Ribeira ou a Riñoneira, e ademais expresa a súa preocupación polas limitacións impostas polo ente público para a celebración de eventos e espectáculos nun espazo plenamente integrado na vida cormelá e cun indiscutible uso social.

O traslado dun sinal da Praza da Ribeira, como solicita a comisión de festas, e a necesidade de afrontar importantes investimentos pendentes, como a renovación da grúa do porto, figuran tamén na axenda do alcalde para a audiencia co presidente de Portos de Galicia.

O Concello de Ponteceso solicita a colaboración veciñal para poder actuar contra ás persoas que danan as árbores do malecón

As accións vandálicas que se están a producir nas últimas semanas obrigan a repoñer continuamente algunha das 150 árbores plantadas pola área de Medio Ambiente

Alumnado do instituto coñecerá os recursos arqueolóxicos do noso concello nunha visita guiada por arqueólogos

A actividade, programada para o martes 24, está organizada pola Concellaría de Patrimonio

O Concello de Ponteceso inicia a campaña de bacheo da rede viaria municipal

Arrinca tamén o proceso para a contratación das obras de asfaltado de camiños nos lugares da Ourada, Riotorto e A Garga

O servizo de orientación laboral mancomunado entre Ponteceso e Cabana formou a 55 persoas na manipulación de alimentos

O obxectivo desta acción formativa é facilitar a inserción laboral dos/as participantes, na súa maioría mulleres, no sector da alimentación

Preto de 150 estudantes do CPR Santa Margarita da Coruña apúntanse ás visitas guiadas da Concellería de Turismo

Un grupo de participantes no IV Ciclo da Universidade de Santiago realizaron a fin de semana pasada un percorrido acompañados/as polo técnico municipal de turismo

A Escola Municipal de Cociña fomenta a gastronomía local, a cociña saudable e a creatividade desde a infancia

Case 30 nenos e nenas participan nos obradoiros que celebramos todos os mércores en Corme e Ponteceso

O Consello Escolar Municipal e o Concello de Ponteceso apoian a demanda do ciclo medio de carrozaría para o instituto

O alcalde, Lois García Carballido, xa lle trasladou a solicitude ao conselleiro de Educación e pediulle que atenda as necesidades de formación profesional na zona

A Concellaría de Educación celebra o Día do Libro con espectáculos que fomentan a creatividade e a lectura

A compañía de teatro Os Quinquilláns actuará o luns 16 nos colexios de Ponteceso e Corme, e o músico Luis Vallecillo ofrecerá un concerto na biblioteca municipal o día 19

O Concello de Ponteceso investiu preto de 110.000 euros na mellora de espazos naturais e na creación de emprego vinculado ao medio ambiente

O Fondo de Compensación Ambiental permitiu contratar unha cuadrilla e adquirir maquinaria e vehículos para a Brigada de Obras e Medio Ambiente

O programa Apego regresa o venres 13 á biblioteca de Ponteceso cun obradoiro sobre intelixencia emocional

A actividade, organizada desde o Servizo de Normalización Lingüística que dirixe Carlos Penedo, é de balde e non se precisa inscrición

O Concello realizará un investimento de case 170.000 euros na mellora de rúas de Ponteceso, Corme e O Couto

As actuacións, financiadas con cargo ao POS+, permitirán renovar servizos, acondicionar as calzadas e mellorar a seguridade viaria

19 alumnas do obradoiro de Arranxos Florais inauguran o programa Actívate 2018

Na primeira sesión, que tivo lugar na biblioteca do Centro Cultural, estivo presente a concelleira de Servizos Sociais, Isabel Vuelta

Aprobada por unanimidade a declaración do 20 de decembro como Día do Himno Galego no municipio de Ponteceso

A iniciativa, promovida polo concelleiro do BNG Carlos Penedo Casmartiño, implica a organización dun programa de actos institucionais a partir deste mesmo ano

Ponteceso reinventa a súa Semana Santa cunha proposta que pon en valor as tradicións, a música e a gastronomía propias

O goberno municipal, acompañado por representantes da Asociación de Empresarios e da Irmandande Virxe das Dores, presentou os actos que se van desenvolver a partir do venres 23 en Corme e Ponteceso

Música, xogos e moito baile para os "Domingos de Lecer" en Ponteceso e Corme

A Concellería de Sanidade e Servizos Sociais incrementa a oferta de ocio para os/as maiores ao tempo que promove hábitos de vida máis saudables

Concello de Ponteceso e Cámara de Comercio establecen unha liña de colaboración para a dinamización do parque empresarial

O xefe de servizos técnicos da entidade cameral visitou o polígono de Tella acompañado polo alcalde, o axente de desenvolvemento local e a secretaria da Asociación de Empresarios

Se tes entre 9 e 16 anos, apúntate ao campamento de iniciación ao pádel que celebraremos esta Semana Santa

As inscricións poden realizarse os días 21 e 22 nas oficinas municipais

Aberto ata o 26 de marzo o prazo de inscrición para un curso de manipulador/a de alimentos para desempregados/as

A acción formativa, totalmente gratuíta, celebrarase o 3 de abril na biblioteca

O goberno municipal intensifica a promoción do parque empresarial como foco de desenvolvemento económico e de creación de emprego

O alcalde reunirase mañá co xefe de servizos técnicos da Cámara de Comercio da Coruña

O Concello de Ponteceso facilita a conciliación familiar durante a Semana Santa

As familias con nenos/as de 4 a 12 anos poden inscribirse ata o día 22 no departamento de Educación Familiar ou na Oficina Municipal de Corme

Os Ratos de Lonxedetodo chegarán o luns a Ponteceso para conquistar a nenos e nenas de 3 a 8 anos co espectáculo “Avós”

A sesión de contacontos forma parte das actividades con Apego programadas desde o Servizo de Normalización Lingüística

Artes manuais, arranxos florais, memoria activa e novas tecnoloxías, na programación da Concellería de Servizos Sociais

O luns 19 abrirá o prazo de inscrición para participar nos obradoiros, que impartirá a empresa de economía social Máis Porvir dentro do programa “Actívate 2018”

A Concellería de Turismo de Ponteceso ofrece visitas guiadas de balde para grupos, entidades ou centros escolares

Mañá sábado visitan o noso concello 35 sendeiristas da Asociación Recreativa Bimares, de Ares, para facer a ruta Ponteceso-Corme-Ponteceso

Competicións deportivas municipais en idade escolar

Aquí tes o calendario de competicións deportivas en idade escolar para a fin de semana. Hoxe venres comeza a liga de fútbol 8 e mañá sábado hai partido do torneo de baloncesto.

Suspendido por mor do temporal do II Torneo AD Vidú de fútbol sub-15

A competición disputarase, en principio, o vindeiro mércores 21

O Concello de Ponteceso convida á afección a gozar este mércores 14 do fútbol base no II Torneo AD Vidú

A Concellería de Deporte colabora coa Agrupación Deportiva Vidú na organización da competición, que se disputará a partir das 16.30 horas no Pinguel

A publicación sobre Langueirón e Xornes reflicte a aposta do Concello polo noso patrimonio como xerador de emprego

O Instituto de Estudos Bergantiñáns presentou o caderno, incluído na serie Andando por Bergantiños, nun acto moi concorrido. O sábado 17 guiará un percorrido polas dúas parroquias

CAMPEONATO DE FÍN DE SEMANA

XOGA JUDO ZONA DA COSTA
BALONCESTO

Servicio de Patrimonio é contratación.

Contrato Administrativo especial de café-bar na praia de Balarés.TM de Ponteceso.

Prestación económica de pagamento único por fillos e fillas menores de 3 anos.

Prestación económica de pagamento único por fillos e fillas menores de 3 anos.

Requisitos: persoas con fillos/as nados entre o 02/01/2015 e o 01/01/2018 e que durante o ano 2016 nin elas nin ningunha das persoas da unidade familiar estivesen obrigadas a presentar a declaración polo IRPF correspondente a ese período.

Mais info: Departamento de educación familiar: 881 983 223 :de luns a xoves en horario de 9:00 a 14:00h

981 73 84 28 : os venres na oficina de Corme de 9:00h a 14.00h

2 AUXILIARES ADMINISTRATIVOS

mañá mércores 31/1/2018 comeza o prazo de presentación de instancias. Bases en ponteceso.gal

Concello de Ponteceso